Agora sí, dende este blog, preguntámonos qué habería pasado se o equipo de Rosa fixese as probas técnicas e de son, antes das 00:00h hora programada para o comezo do concerto e non a partir de esa hora, retrasando ¡50 minutos! o comezo do mesmo. (A sabendas de que ademais, o día seguinte (hoxe) non era festivo, e moita xente tería que irse para casa porque tocaba traballar)
Quen sabe, o mellor en vez de escoitar 5 cancións, haberíamos escoitado 25. Pero para qué van a facer ben as cousas, se é máis fácil agardar a que chova e levantar o campamento.
De todas formas, noraboa á comisión de festas, que pese a estes contratempos que non teñen moito que ver con eles, están conseguindo unha cousa que xa facía tempo que non sucedía, que o saír á rúa vexamos ambiente de festa.
Eso sí, mentras teñamos todos os chiringuitos-tenderetes nunha especie de corentena, alí escondidos na costa esa da feira en vez de estar na antiga ubicación (Rua Calvo Sotelo) seguiremos tendo un pouco menos de ambiente festeiro, diga o que diga a ACOE (que ó parecer tápanlle os escaparates) ou eses carcamales racistas que falaban de que era unha desfachatez que a procesión pasase por esas tendas inmundas, ou algo así. Pero é o de sempre... éche unha pena.
lunes, 25 de junio de 2007
Rosa de España
domingo, 24 de junio de 2007
Preguntas impertinentes: Reale
¿Por qué dende a directiva do Reale Seguros A Estrada F.S. demonizouse ó concello de A Estrada por non pagar un aval que debería pagar a propia empresa privada Reale Seguros?
¿Por qué a empresa que máis cartos deu (se non me engano) non era estradense?
¿Dende cando sabía a directiva do Reale que ía ser moi complicado conseguir ése aval?
¿Despois de dicir que dende o concello non se valoraba ó deporte estradense, por qué pensaron en trasladar o proxecto a outras localidades?
¿Por qué un equipo que declarouse como máximo exponente do deporte estradense, non tiña nin un só estradense no plantel?
¿Por qué un equipo que di declararse proxecto de futuro, non ten escolas deportivas infantís? ¿É a solución máis axeitada e económica fichar a xogadores pre-retirados ou mercenarios pasotas que facer canteira e ter xogadores da vila?
sábado, 23 de junio de 2007
Estamos de festas
Este ano, son quizaves as festas máis "mediáticas" e completas dos últimos anos. Con actuacións recoñecidas no ámbito nacional e con multitudes de actividades para todas as idades.
A verdade, que ao meu parecer, vendo todo dende fora, parece que a comisión de festas portouse ben e ogallá saian unhas festas inesquecibles.
Creo, de todas formas, que o concello debería formar unha comisión permanente que fose, claro está, un organismo do concello (valga a rebuznancia) e así seguro que conseguríamos unhas festas de calidade cada ano.
Ademáis, deberían sacar a enquisa as actuacións, dentro de unhas preseleccionadas que se axeiten o presuposto, claro está, se non moitos pedirían a U2 ou ós Rolling.
Pero como xa dixen, a min estas festas parécenme moi completas e creo que o pobo debería agradecerllo á comisión e sobretodo, que é o máis importante... ¡pasalo ben!
O programa é o seguinte:
Sábado 23
10.00h Bombas de palenque.
11.30h Isi lee o pregón (Isi está ata na sopa ;P).
12.00h Inauguración da Feira Medieval que este ano será nos Xardíns.
13.00h Concerto nos xardíns da Banda Municipal de Compostela.
16.00h Comeza o Minifútbol en figueroa.
17.00h Exhibición de 4x4
18.00h Festa da Espuma (non, non é unha concentración de rapaces epilépticos, que vos vexo vir)
20.00h Gran sardiñada detrás do Restaurante A Estación.
22.30h Verbena!!! Orquestra!!! Aramio.
00.00h Gran atracción do día: Los Suaves
Domingo 24
9.00h Seguemos co Minifútbol
10.00h Espértannos 10 minutos os que saímos o sábado coas bombas de palenque.
11.00h Pasarrúas da Banda Municipal.
11.00h Parque hinchable na "plazueleta" (A ver cando se lle pon ese nome e quítanlle o do asasino franquista ése).
11.30h Pasea pola vila co tren turístico.
12.00h Os da feira medieval xa se levantaron, vai visitalos.
13.00h Concerto a cargo da Banda Municipal.
13.30h Exhibición de cetrería e teatro.
16.00h Os hinchables para os nenos, volven a abrir as súas portas.
16.00h Fase final do Minifútbol.
18.00h O tren segue a dar voltas.
19.30h Nova exhibición de cetrería e teatro.
22.30h Orquetras na plaza de Galicia e na Porta do Sol!!!
00:00h Gran atracción (e non non é porque esté gorda): Rosa.
Luns 25
11.00h Volvemos a espertar 10 min por culpa das bombas de palenque.
11.00h Prepara o teu caldeiro de auga fría, porque o pasarrúas da banda municipal o mesmo espértante tamén.
16.00h Exhibición dos perros de rescate de Protección Civil.
17.00h Carreira de orientación urbana.
20.00h Os da banda non paran, esta vez dan un concerto coa axuda da Coral Polifónica.
22.30h Seguemos con orquestras, esta vez "Los trovadores"
00.00h Gran atracción: "El Arrebato".
Martes 26
10.00h Se aínda non escarmentaches e non compraches tapóns para os oídos, xa sabes Bombas de palenque.
11.00h Outra camiñata dos da Banda Municipal, vailles quedar o cú prieto prieto.
11.30h Se os da banda cánsanse, poderían coller o tren turístico, que comeza a esta hora.
13.00h Xa que os da Banda descansaron, van a tocar un pouco máis os xardíns.
17.00h Clowns.
20.00h Concerto da Banda Municipal de A Coruña nos xardíns.
20.30h Os beatos, as beatas, os non tan beatos, as non tan beatas, os non practicantes, as non practicantes farán "jogging" ao paso do cura de turno. Ademáis os máis suertudos cargarán cun santo (San Paio) bloqueando o tráfico.
22.30h Orquestra!!! Ledicia e outra máis.
00.00h Gran atracción: Coti
Mércores 27
10.00h ¿A que non adivinades que hai todos os días das festas as 10.00h? P-A-L-E-N-Q-U-E
11.00h Veña que os da Banda Municipal tamén repiten pasarrúas.
13.00h Concerto da Banda Municipal na Alameda.
16.00h Exhibión de bádminton a cargo do C.B. Estradense.
20.00h A mover as caderas con Sondodance.
20.30h Se a movida e a festa da procesión de onte, sabeuche a pouco, hoxe tes outra polo santo sacramento.
21.00h Anuncio (según o sorteo da ONCE) do gañador do coche.
00.00h Espacio piro-¡¿musical?? este ano na baiuca.
00.45h Orquestra!!! Los satélites.
Os actores e os seus papeles.
O novo goberno local, pechou a noite do xoves a distribución das diferentes áreas de goberno.
A cousa quedou así:
Manuel Otero Espiño: Facenda e Rural.
Manuel Sanmartín Obelleiro: Educación e Cultura.
Montserrat Maceiras Vicente: Industria, Comercio e Turismo.
Irene Aguiar Lale: Urbanismo.
Ana Asorey: Benestar Social.
Mónica Magariños: Organización e Persoal.
Germán González: Política Agroalimentaria, Feiras e Mercados.
Dende este blog desexámoslle sorte a o novo goberno neste ano de trámite (xa que o anterior partido da oposición, como ben sendo normal nos cambios de lexislatura, esgotou case todos os fondos dedicados a este ano) e agardamos con ánsia que o fagan ben nos 3 seguintes.
viernes, 22 de junio de 2007
Preguntas impertinentes: aestradadixital
¿Qué pasaría se aestradadixital houbese escollido WiMAX en vez de Wi-Fi? (Non so en melloría da calidade da rede se non económicamente tamén).
¿Cantos cartos aforraríanse(aforraríannos) se nos ruralcentros houbesen escollido sistemas operativos linux en vez de sistemas operativos windows? (Por se alguén argumentase pola facilidade de uso, dicir de antemán que a suite ofimática que utilizan é OpenOffice e o navegador web é o firefox)
¿Por qué case ano e medio despois do lanzamento de daestradix (o sistema operativo de aestradadixital para os estradenses) e que anunciasen, a día 8 de febreiro de 2006 que "O Sistema Operativo, con estándar Ubuntu (un referente a nivel mundial) poderá descargarse de forma gratuita a partires da vindeira semana no portal oficial de A Estrada Dixital (www.aestradadixital.org)" a día de hoxe aínda non pode ser descargado?
¿Cando pensan rexistrar o nome co que xa moitos bautizamos o proxecto... "Trapallada Dixital"?
Instala Ubuntu 7.04 Feisty de forma fácil e nun "plisplás"
Como un estradense calquera que son, estou interesado, bastante interesado, nas novas tecnoloxías e cada vez, doume conta, que o futuro da informática está no software libre frente ao software privativo.
Non me vou a poñer a explicar os pros e os contras de Linux e Windows, porque para iso procurades información en Google e vos sairán mil millóns de blogs ou páxinas en todos os idiomas do mundo explicándoo con pelos e sináis.
Simplemente direi unha cousa: Se usas un windows pirata, estás vulnerando a lei. Se eres particular, non pasará nada (a Microsoft interésalle que os particulares usen windows, sexa legalmente ou non, para que no ámbito laboral utilicen windows) pero se es un empresario, e a tua empresa usa windows piratas, sen licencia ou unha licencia para 3 ordenadores... Ten de seguro, que se te pillan, vas ter que poñer o cu en pompa e agardar para que che den ben e duro.
¿A solución? GNU/LINUX, un sistema operativo máis seguro e eficiente que Windows, con case a mesma compatibilidade cos dispositivos hardware que windows (esto non é culpa dos sistemas linux, se non das empresas de hardware que por unha escura razón non fan controladores para ditos sistemas), gratuíto e fácil de instalar.
Dende aquí, para usuarios iniciados ou non, recomendo Ubuntu. Unha distribución de linux basada en Debian, que na actualidade, é quizáis a máis extendida entre os novatos no tema ou nos non tan novatos. Ubuntu non é máis difícil de usar que windows, se ben ao meu parecer, windows é máis difícil de utilizar que Ubuntu.
Moita xente, ademáis, pensa que linux é unha cousa de frikis informáticos, que hai que controlar para instalalo e utilizalo, pero nada máis lonxe da realidade. Os principáis obxetivos desta distribución de linux, son a facilidade de instalación e a facilidade de utilización.
Pero por se alguén quere animarse e bótase atrás por culpa da maldita instalación, aquí vos deixo un “tutorial” de como instalar linux nun momento.
O primeiro, é baixarse Ubuntu 7.04 Feisty Fawn da súa páxina de descarga. Deberedes baixar un Desktop CD que sexa acorde as características da vosa computadora, se é un ordenador "normal" será x86 e se é de arquitectura 64bits (de AMD), deberedes lanzaros a baixar 64-bits (AMD64) CD.
Como nota, dicirvos que non vos asustedes de que a páxina está en inglés, xa que todas as distribucións de Linux son multilenguaxe, polo tanto poderedes ata escoller o galego como idioma da vosa Ubuntu.
Cando teñades baixada a imaxen de CD, deberedes grabala nun cd co Nero, cousa moi doada xa que sólo hai que premer en abrir/open na pantallita que te abre o inicio. Escolles en ver "Todos los archivos", clicas na imaxe de CD baixada e aceptas.
Cando tes a imaxe grabada, simplemente tes que reiniciar o ordenador. Se tes a BIOS ven configurada (se non terás que ir a Advanced Setings ou Boot order, dependendo do tipo de BIOS e escoller o CD-ROM como primeiro dispositivo de arranque) comezaredes a vivir o mundo da Ubuntu.
¿Qué por qué digo isto? Porque o CD que baixaches, é un LiveCD, un sistema operativo que se carga en memoria principal e execútase dende o CD, vamos que en resumidas contas, podes traballar como se estiveses nun sistema operativo instalado no disco duro, pero se apagas o ordenador, todos os cambios iranse ó garete. Pero isto non é o que nos interesa, así que vaiamos á instalación. Pulsamos instalar.1. Selección da linguaxe. Pese a que queirades escoller a Ubuntu en galego, por motivos que máis adiante explicarei, agora escollede o español, logo xa o trocaremos.
2. Seleccionamos a zona na que vivimos. Isto é para regular a zona horaria, así que escollemos Madrid e prememos seguinte.
3. Selección de teclado. Como non temos variantes distintas ao teclado castelán, escollemos Spain ou Español "a secas", o primeiro, o que non ten variantes.
4. Agora toca o momento máis "complicado" da instalación. O particionamento. Se queredes deixar windows no disco duro, ou outro sistema operativo, deberedes escoller a primeira opción, a que di Guiado cambia el tamaño de... Como vedes, xusto debaixo hai unha muesca, na que poderedes axustar o tamaño da partición que ides conservar para windows e o espacio libre que ides deixar para ubuntu. Se non queredes conservar o windows, pulsades na segunda opción e adiante.
Tamén podedes facer o particionado Manual, recomendable para usuarios avanzados, onde poderedes escoller o tamaño da partición e os puntos de montaxe, recordando que como mínimo debe de haber un para o sistema raíz (/) e outro para SWAP (que é recomendable que sea do tamaño da RAM*2).
5. Migración de documentos. Unha das novas funcionalidades de Ubuntu, é que podes migrar documentos ou archivos do teu interés das contas de usuario de windows ao teu novo sistema operativo Linux. Simplemente elixes o que queres e pulsas adiante. Se non queres seleccionar nada, pulsa adiante e listo.
6. Usuario e contraseña. Aquí deberedes escoller o voso nome. o nome de usuario e a contraseña para entrar no sistema. Ademáis debedes de escoller un nome para o voso equipo. Cando rematedes, premede adiante.
7. Agora mirades que todo sexa correcto e pulsades de novo adiante. ¡E xa está! Agora, mentras instala o sistema operativo nuns minutos, podedes navegar por internet ou fozar algo no LiveCD, para matar o tempo.
8. Cando remate de instalar, simplemente pulsades en botón de Sistema -> Salir -> reiniciar (ou na opción reiniciar do menú de instalación) e quitades o CD da lectora (moi importante)
9. Agora aparecerache un xestor de arranque, chamado GRUB, no que poderás elixir se entrar en ubuntu (primeira opción) ou ir a windows (que estará na sección "Other Operating Systems"). Cando entras en Ubuntu (despois de loguearte), deberás actualizalo. Aparecerache xa unha mensaxe de que hai actualizacións dispoñibles. Pulsas no icono de notificación, introduces a túa contraseña e listo. Cando acabes de instalar as actualizacións, deberas reiniciar o sistema. (Se non aparecese a mensaxe de actualizacións dispoñibles, deberedes ir a Sistema->Administración->Gestor de paquetes Synaptic).
10. Instalando Automatix2. A razón de que vos dixen que instalárades a Ubuntu en español, radica aquí. O Automatix non detecta a versión da Ubuntu se o idioma está en galego, polo tanto imos a instalar automatix e a configuralo e despois xa cambiamos o idioma.
Pero o primeiro... ¿Que é automatix? Automatix é unha ferramenta que arranxa a vida de todo novato en linux, xa que é un programa, unha ferramenta, dende a que podes instalar todos os codecs e programas indispensables para a tua Ubuntu simplemente seleccionándoos e premendo start/empezar.
O primeiro paso, é baixar o paquete de automatix2, que o podedes baixar de aquí (versión para Ubuntu 7.04 Feisty Fawn x86. O resto das versións están aquí). Clicades en él (ou escolledes a opción abrir en vez de gardar como) e escribides a vosa contraseña. Agora pulsades en instalar paquete e agardades a que instale.
Cando remate, dirixídevos a Aplicaciones -> Herramientas del Sistema e premedes en Automatix.
Despois de comprobar a vosa versión, aparecerá unha ventana con duas pestañas, unha de install que é para instalar e outra de unistall que é para desinstalar. Nos queremos instalar, así que vexamos o que vos recomendo instalar por categoría:- Burning and Ripping: Brasero
- Chat Clients: aMSN
- Codecs and Plugins: AUD-DVD Codecs, Flash Player, Mplayer and FF Plugin, Multimedia Codecs e Sun JAVA 1.6 JRE.
- Email Clients: CheckGmail se tendes correo de Gmail.
- File Sharing: Azureus (cliente torrent) e Amule (O emule de Linux)
- Media Players and Editors: VLC
- Miscellaneous: Automatix read/write NTFS and FAT32 Mounter, Ctrl-Alt-Del, Extra Fonts, Nautilus Scritps.
- Office: Adobe Reader 7.0, Google Earth, Google Picassa.
- Utilities: Beagle, GFTP.
. Virtualization: Wine.
** NOTA: Se tendes unha tarxeta ATI instalade os drivers de ATI.
Seleccionades todos estes programas (paquetes) e premedes start. En algúns vos pedirán que aceptedes licencias, deberedes marcar donde pon que aceptas a licencia e logo aceptar, se so aceptades non instalará.
Cando teñades todo listo, pechades automatix e so quedan uns flecos.
11. Trocando o idioma ao galego: Sistema -> Administración -> Soporte de Idioma. Seleccionades Galician e instalades o que vos manden. Logo en idioma predeterminado escolledes Galician e listo. Deberedes reiniciar o sistema para que os cambios surxan efecto.
12. Apt-get e cambio de contraseña de root. O root en Linux, é o superusuario, o administrador que pode realizar CALQUERA acción no sistema. En Ubuntu, o root ven "desactivado" ou a lo menos non nos proporcionan a contraseña. Así que nada, abrimos un terminal en Aplicaciones -> Accesorios -> Terminal e escribimos:sudo passwd
pediranos a nosa cotraseña e a escribimos (pese a que parece que non escribes nada pero si que o fas) prememos intro e pediranos a contraseña de root. Escollemos unha, a escribimos, a confirmamos e listo.
Ben, a contraseña de root e indispensable para utilizar o comando sudo, que é un comando que serve para executar accións con privilexios de superusuario sen selo. E isto é indispensable para utilizar apt-get. apt-get, é unha ferramenta de Debian, polo tanto de Ubuntu, que serve para instalar paquetes de forma moi doada en modo consola. Poñamos como exemplo o Konversation, cliente de chat de KDE.
Abrimos terminal (se non pechaches o de antes tamén sirve) e escribimos:sudo apt-get install Konversation
Agora o sistema pediranos a contraseña e que aceptemos s/N a instalación. Escribimos s e listo. Xa se encarga él de buscar todas as librerías e de instalar os programas no noso sistema.
13. Problemilla do aMSN. O aMSN é o cliente de MSN máis extendido en sistemas linux. Pero a última versión utiliza un paquete de seguridade TLS que da bastantes problemillas. Para instalalo simplemente hai que facer o que di este blog.
Ben, pois xa tendes unha Ubuntu cons programas esenciales e funcionando perfectamente. Agora so vos queda disfrutar e visitar páxinas como Guía Ubuntu onde atoparedes toda a información necesaria sobre esta gran distribución de Linux.
E fago este tutorial de Ubuntu e non de desastrix, digo de aestradix, porque entre outras moitas cousas aínda non se pode descargar (pese a que xa hai dous anos, se non me faian as contas que se ía poder).
¿Analoxías?
"Señor xuíz, eu non tiven culpa de apuñalar ao falecido. A culpa é do que me prestou a navalla" Un vulgar ladrón.
"Se non nos apoia ninguén a responsabilidade será de quen non nos apoie porque nós non temos maioría absoluta." Dono sobre o PXOM nunha entrevista do Faro de Vigo.
Por certo, para rizar máis o rizo, a responsable de Urbanismo, será Irene Aguiar Lale, ex do PP. Non tiremos o carro antes dos bois e agardemos a ver que qué tal o fai, que por algo deixaría o PP esta rapaza. Sempre nos quedará a ¿ledicia? de que o responsable non será Espiño, ese que bailaba no PXOM ao son que dicía Reboredo.
O circo chegou o noso pobo
Vía La Voz de Galicia encóntrome que o BNG dalle un ultimátum de 100 días de cortesía ó PSOE para que goberne en solitario.
¿Pero esto qué é un capítulo de Cuenta Atrás? ¿Unha demostración en plan "nos tamén podemos poñermos gallitos"? Pode ser, de feito é, que o PSOE actuara mal ao pasarse o pacto de goberno polo forro, pero isto é a política do noso pobo, non un capítulo dos Soprano onde ameazan o tendeiro de turno dcon que se non paga en 20 días, pártenlle as pernas cunha maza.
Ó final vamos ter que darlle a razón ós do PP, que din que o BNG e o PSOE non saben gobernar, que so saben estar na oposición, porque isto xa se asemella bastante a un circo.
Ogallá se deixen de tonterías e teñamos un goberno estable, porque tal e como vai a cousa, Tallón dirá dentro dus meses que tivo un Dejavú.
Noite de teatro en A Estrada
Teño que confesarme. Non son un estradense calquera como descríbome neste blog. ¿Qué por qué digo isto? Porque son dos poucos estradenses, que por desgracia, non foi a ver Ensalada de Mosquito, aquela versión do Lindo Don Diego saída das mans dos Tirinautas de Lueiro.
Pero hoxe, non quixen perderme a oportunidade de ir a ver a nova obra da escola de teatro municipal. Opera de Patacón, e de verdade, quedei abraiado.
A Ópera de Patacón, non é unha ópera normal, xa que os seus protagonistas son bandidos dunha decadente e zarapastrosa Asociación dos amantes da Ópera Italiana.
Nesta edición, conseguen os cartos para contarnos a historia de Mackie Navallas... ¿Queredes saber máis? Pois o próximo domingo, teredes outra oportunidade (quizáis a derradeira se o Concello non lles deixa facer máis pases) e volverá a ser gratuíta, aínda que xa non contaredes coa música do Conservatorio de A Estrada, que so actuou na noite de hoxe.
Os actores, impresionantes, rebosaron humor e en especial, a parella Chelo do Rejo e Fran Ameijeiras, que para min estiveron espectaculares.
Pero o resto do elenco de actores, estivo fenomenal, ríndome os seus pes. Así que so podo dicir isto: Ana Puente, Chelo do Rejo, Fran Ameijeiras, Celeste Tato, Ánxela Sanmartín, Lorena Rozados, Eva Filloy, Patricia Rey, Bandido, Begoña Penas, Ana María Mañá, Saly Torres, Manuel Abelleira, Francisco Campos, María Jesús Sánchez, Mercedes Martínez y Gonzalo Valcárcel... ¡Noraboa e grazas por esta gran noite de teatro!
Ah que non me lembraba, como o anterior concello, como en case todas as actividades culturais do pobo, apenas axudou a escola, os actores pediron dunha maneira peculiar un donativo para poder seguir contándonos historias tan boas como a de hoxe. A maneira foi graciosa, colocaron uns cestos no hall do teatro no que a xente podería votar a súa vontade. E podo dicir, sen medo a esaxerar, que é a primeira vez que vin máis billetes que monedas en algo solidario. Pero e que os actores non se merecían outra cosa, estamos de noraboa por ter unha escola de teatro tan boa.
jueves, 21 de junio de 2007
Estradense da Historia
Esta enquisa, ao contrario da que fixo Antena 3, paréceme do máis axeitada, e non será (polo que vexo) partidista, porque ti poderás votar, falando en prata, a quen te saia dos collóns, se ben é certo que eles teñen unha lista provisional que é a seguinte:
- Ramón Verea.
Por aparecer ó lado de Pascal e Leibniz, e con todo o que nos alabámo-los galegos, ainda non ten recoñecemento nin na súa vila.Foi o inventor da calculadora que era capaz, de multiplicar e dividir, e face-lo instantáneamente.
A súa máquina consérvase nos depósitos da sede central de IBM. Mais info:
- La Voz de Galicia
- Galipedia - Manuel Porto Verdura,
“o escobeiro”, quen fixera fortuna en Cuba, tivo que regresar a La Habana no 1936, abafado pola corrupción falanxista que o asfixiaba con incautacións. Morrendo alá, sumido nunha profunda depresión pola perda da ilusión pola que este empresario tanto loitara de ver ao seu pobo electrificado e urbanizado como as máis modernas vilas que coñecera. - Suso Durán, un alcalde con vista de futuro.
- Odense Sanmartín Carracedo,
por facer edificios emblemáticos, e ser esta unha terra de constructores, e sempre denostalos e criticalos, mais nunca facerlle recoñecementos, salvo que sexa por entrar na vida política e social. - "Os Estradenses". A poboación do concello por sobrevivir a estos anos.
- Os emigrantes, gracias ós cales se fixeron moitas escolas, desinteresadamente. Ou moi interesadamente, en que a xente se formara e non sufrira tanto.
- "Ken Keirades". Manuel García Barros
Naceu en Berres en 1876. Campesiño no seo dunha familia de orixe labrega, foi mestre e protagonista dunha interesante carreira xornalística nos “medios” da época. A súa actividade política, de ideais galeguistas e apegada á realidade social da súa contorna, achegoulle, coma a tantos outros, problemas coa barbarie fascista da Guerra Civil e da posterior Ditadura. De entre a súa produción literaria temos que salientar a póstuma “As aventuras de Alberte Quiñoi“, de 1972, ano da sú morte. De 1932 é “Contiños da Terra“. Pepe Carballude.
Escritor galego de literatura infantil e xuvenil.
Máis info: Biblioteca Virtual Galega.
Persoalmente, votei a Ken Keirades, porque paréceme o mellor escritor e o mellor intelectual que deu este pobo, gostaríame aconsellar a outros estradenses que deberían poder optar a ser nominados a dito galardón:
- Ignacio Rodríguez Vila. Presidente e Fundador de IGROVI, empresa que se non fose saboteada por uns impresentables, daría de comer a maioría dos estradenses e habería conseguido que A Estrada fose o Vigo do centro de Galicia.
- Marcial Valladares. Escritor e ensaísta estradense. Biografía e Bibliografía na BVG
- Waldo Álvarez Ínsua. Destacado periodista e escritor, figura moi importante do rexionalismo. Tivo un gran papel entre a emigración galega a Cuba.
- Lopo Xograr. Pese a que stivo na corte de Fernando III o Santo (1217-1252), que participou na conquista de Sevilla en 1284, e do que José Sanmartín di que puido ser da parroquia estradense de Santo Estevo de Lagartóns. (Información sacada de A ulla, Comarca Virtual)
- Manuel Reimóndez Portela. Gran Médico e escritor. Recoméndovos o seu libro "Un médico na aldea" é impresionante.
- Os exiliados. Por desgracia, a maioría destes intelectuais, foron víctimas da represión. Pese a que por ser exiliados non teñen porque ser os mellores estradenses da historia, creo que se merecen estar nominados, xa que a súa desgracia, converteuse nun punto oscuro da nosa historia.
Deséxolle boa sorte os rapaces da estragada e que teñan moita participación na enquisa, e así sacar uns resultados que se axusten o máis fielmente posible á realidade. Dende aquí quixemos aportar o noso granito de area. Votade lacazáns!!
Negociacións e blablaba
Hoxe, no Faro de Vigo, fanse eco da rolda de prensa que deu onte a cúpula do BNG estradense, explicando as súas peticións para facer goberno en coalición co PSOE.
" El BNG de A Estrada considera "irrenunciables" para sellar un pacto de gobierno con el PSOE lograr la primera tenencia de alcaldía y las delegaciones municipales de Medio Rural; Benestar Social; Industria, Comercio e Turismo; y Cultura o Mocidade o Deportes"Non sei se todo verá dado porque o PSOE, desexará conservar as concellalías de Industria e Comercio e Turismo, xa que seguramente serán as que xoguen o papel máis importante desta lexislatura. Pero a primeira tenencia é algo que lóxicamente deberían solicitar, pois está dentro do acordo marco que alcanzaron o PSOE e o BNG autonómincamente para estas municipales.
[...]
" el BNG sigue considerando que en virtud del acuerdo marco alcanzado por PSOE y BNG en el ámbito autonómico en A Estrada al Bloque le correspondería una tenencia de alcaldía única. Un hipotético acuerdo de gobierno no podría "baixo ningún concepto estar por debaixo dos parámetros do acordo marco". Si los socialistas no ceden en este punto, Maceira considera que se debe a que no considera "interesante que haxa un goberno de coalición" ".
[...]
¿Segue a haber esperanza para unha coalición? ¿Cederá o PSOE ou o BNG? ¿E ouro todo o que reluce ou o PSOE vaise a pasar polo forro o acordo?
Algo terá que contestar o equipo de Dono. Agardaremos con impaciencia.
miércoles, 20 de junio de 2007
Cambio!
Como todos saberedes, o día 27 de Maio, os estradenses conseguimos botar do goberno local a un partido político, que en dazaseis anos, o único que fixo por A Estrada, demagóxicamente falando e facendo un resumo bastante rápido, foi facer rotondas e rematar co crecemento do pobo.
Nin os propios socialistas, pensaban que ían gañar as eleccións coa posibilidade de gobernar en solitario, pero parece ser que esta vez, o pobo sí actuou e votou en consecuencia. Os estradenses habían conseguido un goberno, que todo facía indicar que sería unha coalición PSOE +BNG, facendo un goberno forte, combinando así unha lista do PSOE, que o meu parecer era a mellor preparada das que se presentaron ás eleccións (con Suso Tallón, que é sen dúbida o mellor político de A Estrada) e a introducción de moitos puntos do programa do Bloque, que para min se non era o mellor de todos, polo menos era o que menos mentiras dicía.
Pero non todo ía ser de cor de rosa. Onte, día 19 de xuño, o PSOE e o BNG, anunciaron nun comunicado que as negociacións polo pacto para gobernar, non chegaron a bo porto, motivado quizáis pola “racanería” dos socialistas e as excesivas pretensións dos nacionalistas. O PSOE gobernará so, grazas a súa maioría simple, pero como pensamos os máis pesimistas, será un goberno feble, un goberno que sería máis forte se houbese contado coa axuda do BNG.
¿Qué nos espera ós estradenses con un goberno de maioría simple?
Pois poderían pasar varias cousas, pero a que a min se me asemexa a máis probable, é a seguinte:
- "A Oposición do NO” por parte do Partido Popular. Se Miguel de la Calle non dimite, que é probable que non o faga (€€€€€). O líder do PP, demostrará como no ámbito comunitario ou nacional, que o seu partido non sabe estar na oposición. Él e o seu partido opoñeránse a toda acción do goberno local porque sí e votarán en contra de toda acción do equipo de goberno de Dono, comezando así unha era de crispación e barullo político.
- Posición de CideGa. Pese a que Reboredo dixo que non ía votar en contra do PSOE nos plenos... ¡fíate ti dun político! haberá que agardar e comprobar se esa é a postura de Reboredo ou actuará coma moitos pensamos, da man do PP.
Ademáis, en Setembro, co xuizo por corrupción urbanística ao que está “convidado” con actores do peso de Chito Campos, podería anunciar a súa dimisión como presidente do partido, deixando paso a Juan Torres, quen non sabemos se seguirá ese “dogma de non agresión”. - ¿Axuda do Bloque?. Como partidos de esquerdas, pese a quen lle pese o BNG é un partido de esquerdas, o PSOE e o Bloque, terán na maioría das ocasións as mesmas opinións nos plenos, polo tanto existe a posibilidade, pese á recente rotura de negociacións polo pacto de goberno, que Dono teña o apoio do BNG na maioría dos proxectos a votar. O problema (ou a sorte) será cando o BNG non esté de acordo, pois seguramente, pese a non votar en contra no pleno, absterase de votar, deixando vía libre para que os rapaces do PP se finalmente conseguen o apoio de CideGa, “veten” todo proxecto que poidan.
Esto con Chito... ¡Non Pasaba!
Este blog nace coa idea de plasmar, segundo as miñas ideas, o que pasa no noso pobo ó longo da semana, tanto no eido da política coma na sociedade.
Agardo que ninguén se sinta ofendido coas miñas palabras e o que se sinta así, que mo faga saber nos comentarios de cada artigo ou noticia.
Benvidos e espero que disfrutedes.
